Ish-ministri Aleksandar Jablanoviç thotë se kryeministri Kurti nuk është dorëzuar karshi kërkesave të SHBA-ve.

Jablanoviç thekson se Qeveria e Kosovës nuk po merr hapa për deeskalimin e situatës në veri, ku siç thotë ai, Policia është ende në ndërtesat komunale dhe objektet janë ende plotësisht jofunksionale dhe nuk ofrojnë asnjë shërbim për qytetarët.

“Nuk mendoj se Kurti është dorëzuar, për momentin nuk ka shenja të deeskalimit nga ana e Qeverisë së Kosovës. Policia është ende në ndërtesat komunale dhe objektet janë ende plotësisht jofunksionale dhe nuk ofrojnë asnjë shërbim për qytetarët”, tha Jablanoviç.

Teksa thotë se serbët nuk duan konflikt me KFOR-in, Jablanoviç thotë se tani nuk është momenti i duhur për të mbajtur zgjedhjet në veri të Kosovës, por të shkohet me dialog.

“Fakti që është paqësor është në radhë të parë sepse serbët nuk duan konflikt me KFOR-in dhe ne e kuptojmë rolin e tyre në këtë “konflikt”. Mendoj se në këtë moment nuk ka kushte për zgjedhje në veri. Para së gjithash, duhet të ketë dialog të drejtpërdrejtë ndërmjet Qeverisë së Kosovës dhe partive politike që përfaqësojnë serbët, përfshirë Listën Serbe, sa më shpejt që të jetë e mundur”, thotë Jablanoviç.

“Problemet dhe shqetësimet tona si serbë, Qeveria nuk duhet t’i anashkalojë dhe t’i vërë “nën qilim”. Vetëm përmes një dialogu të hapur mund të arrijmë marrëveshje për zgjedhjet e reja dhe kushtet për mbajtjen e tyre në veri”, shtoi ai.

Jablanoviç thekson se zgjedhjet nuk do të kenë përparim, nëse shkohet me mënyrën e njëjtë si të 23 prillit dhe mënyrën e tillë se si sipas tij ka fituar Lista Serbe në atë pjesë të Kosovës.

“Mendoj se zgjedhjet që serbët do t’i bojkotonin si të 23 prillit dhe zgjedhjet që do t’i vidhte Lista Serbe, siç ka bërë me sukses me vite të tëra, nuk do të sillnin përparim dhe nuk do t’u siguronin qytetarëve një proces demokratik me të cilin duhet të bëhet një qeveri të zgjedhur”, tha ai.

Sipas Jablanoviçit duhet të gjetur një rrugë e qartë dhe e lehtë për serbët që duan të kthehen në institucione dhe në këtë mënyrë të ulin tensionet dhe të mohojnë Listën Serbe.

“Unë besoj se braktisja e institucioneve nga serbët ishte e gabuar dhe në masë të madhe e orkestruar nga Lista Serbe dhe se duhet gjetur një rrugë e qartë dhe e lehtë për serbët që duan të kthehen në institucione dhe në këtë mënyrë të ulin tensionet dhe të mohojnë Listën Serbe mundësia për të siç është fshehur pas popullit serb”, tha Jablanoviç për GazetaBlic.