Kandidati për deputet nga radhët e PDK-së, Uran Ismaili, ka takuar personelin e Qendrës Kryesore të Mjekësisë Familjare në Prishtinë.

Ismaili a falenderuar secilin prej tyre për shërbimin ndaj qytetarëve.

Tutje, Ismaili ka shkruar se plani i tyre për Rimëkëmbjen e Shëndetësisë është shtyllë kryesore për fuqizimin e mjekësisë primare.

“Personeli i Qendrës Kryesore të Mjekësisë Familjare në Prishtinë po bën një punë të jashtëzakonshme në përballje me pandeminë. Sot i falënderova për shërbimin ndaj qytetarëve, por edhe për vetëmohimin, sepse gjysma e stafit kanë qenë edhe vetë të infektuar nga virusi. Pikërisht për rëndësinë e madhe që ka për shëndetin e qytetarëve, në planin tonë për Rimëkëmbjen e Shëndetësisë shtyllë kryesore është fuqizimi i mjekësisë primare. Do të shtojmë personelin në të gjitha QKMF-të në Kosovë, për të siguruar mjekë dhe infermierë për çdo familje në vend”, ka shkruar Ismaili./Insajderi.org