Gjatë natës pati sulme ndaj terroristëve të Hamasit dhe ndaj infrastrukturës terroriste në Gaza.
“Izraeli u bën thirrje banorëve të Rripit të Gazës që të largohen përmes rrugëve në jug të Rripit të Gazës”, shtoi Ministria e Jashtme izraelite, e cila akuzoi Hamasin se “po përpiqet me forcë të pengojë qytetarët të largohen”.
Forcat e armatosura izraelite po veprojnë në përputhje me ligjin ndërkombëtar dhe kanë marrë masa paraprake që synojnë të minimizojnë sa më shumë dëmin e mundshme ndaj popullatës civile.
Megjithatë, në të njëjtën kohë, Izraeli paralajmëroi “anëtarët e boshtit të terrorit, të udhëhequr nga Irani, të mos përfshihen dhe të mos provokojnë vendosmërinë e Izraelit dhe aftësinë e tij për të mbrojtur veten.
“Izraeli do të bëjë gjithçka që është e nevojshme për të mbrojtur qytetarët e tij”, përfundon njoftimi i Ministrisë së Jashtme izraelite, e cila i bën thirrje komunitetit ndërkombëtar të dënojë sulmet terroriste kundër qytetarëve izraelitë, por të shprehë mbështetjen e tij të plotë për të drejtën e Izraelit për t’u mbrojtur.