Forcat izraelite të Mbrojtjes (IDF) pretendojnë se kanë gjetur dhe shkatërruar tunele të Hamasit brenda qytetit të Gazës.

“IDF gjeti dhe shkatërroi tre boshte tunelesh terroriste që i përkisnin organizatës terroriste Hamas pranë Spitalit Rantisi dhe në shkollën e mesme aty pranë. Boshtet e tunelit, dhjetëra metra të thellë, janë të lidhura me një rrjet nëntokësor që kalon nën spital dhe të çon në zemër të qytetit të Gazës”, thuhet në një përditësim, shkruan Sky News.

Hamasi ka mohuar vendosjen e infrastrukturës së tij pranë shkollave dhe spitaleve pas akuzave të vazhdueshme nga Izraeli. 

“Ekspozimi i boshteve pranë spitalit dhe shkollës tregon edhe një herë përdorimin cinik të Hamasit të popullatës civile,” tha IDF.