Forcat izraelite bëjnë me dije se kanë shkatërruar një rrjet të madh tunelesh që ishte vendosur poshtë selisë kryesore të Hamasit në Gaza.

Kompleksi, i vendosur në lagjen e Rimal në Gaza përfshinte një rrjet tunelesh që lidhje me shtëpi të sigurta dhe zyra që përdoreshin nga eksponentë të lartë të grupit terrorist.

Gjithashtu ushtria izraelite, njofton se që prej përfundimit të armëpushimit ka ekzekutuar më shumë se 2000 luftëtarë të Hamasit në zona të ndryshme të Gazës.

“Shkatërruam atë rrjet të gjerë tunelesh, një strukturë strategjike terrorizmi të ndërtuar nga Hamasi në qendër të qytetit të Gazës”, tha zëdhënësi i ushtrisë.