Kombëtarja e Italisë dhe ajo e Anglisë do të përballen sonte nga ora 21:00 në kuadër të finales së Kampionatit Evropian.

Kjo ndeshje do të zhvillohet në stadiumin “Wembley” që ka kapacitet prej 90 mijë ulësesh.

Në këtë duel për shkak të masave të COVID-19 pritet të jenë rreth 60 mijë tifozë të pranishëm, shumica e tyre anglezë, ndërsa 1000 bileta janë ndarë për tifozët italianë.

Ky numër tifozësh është shumë më i lartë në krahasim me sa ishin lejuar në fazën e grupeve në të njëjtin stadium 22.5 mijë tifozë, më pas ndaj Gjermanisë ishin 45 mijë tifozë, ndërsa sonte në finale pritet të jenë mbi 65 mijë tifozë.