Kryetari i partisë së serbëve të Kosovës, Aleksandar Jabllanoviq ka takuar sot ambasadorin e BE-së në Kosovë, Tomas Szunyog.

Jabllanoviq ka bërë të ditur se bashkë me Szunyog kanë diskutuar për situatën në veri të Kosovës dhe për mundësinë e zgjedhjeve të reja lokale atje.

Jabllanoviq tha se zgjidhja e vetme për të qetësuar situatën në veri është tërheqjen e plotë e njësive speciale.

“Ambasadori i BE-së në Kosovë, Tomáš Szunyog dhe kryetari i partisë së serbëve të Kosovës, Aleksandar Jablanoviq, kanë diskutuar sot për ngjarjet aktuale në veri të Kosovës dhe perspektivën e zgjedhjeve të reja lokale. Ambasadorit i është përcjellë qëndrimi i partisë sonë se zgjedhjet në vetvete nuk janë zgjidhje e plotë dhe se është i nevojshëm normalizimi i plotë i situatës dhe kjo është e mundur vetëm me tërheqjen e plotë të njësive speciale nga veriu dhe anulimin e aktakuza që synojnë pa dallim serbët”, ka shkruar Jabllanoviq në Facebook.