Të hënën rep-këngëtari, Ledri Vula ka publikuar këngën e tij të re, të titulluar “Përshëndetje Hejter”.

Brenda pesë ditëve në platformën Youtube kjo këngë është dëgjuar 825 mijë herë.

Shumëkush e ka komentuar si “thumb” të Ledrit kundrejt ish-bashkëpunëtorëve në muzikë.

Në mes tjerash në këtë krijim të tij thuhet:

M’kujtohet qysh m’pate bo mu ni.

M’ke lon pa disponim, pa muzikë, pa bukë, pa gjumë, tu bullizu.
Besom mu po m’vjen edhe plum vetit n’tru unë me ja fut boom.
Edhe s’po shoh gjak.

I wanna Kurt Cobain myself, po këtë herë nuk kesh i saktë.
Po t’kerkoj falje, hajt shajem ma ron noshta provoj unë prapë.

Ej shok je tu harxhu ajër kot.
Ej shok je tu harxhu ajër kot.
Merri 5 euro edhe bleje nji konop.

Pra, Vula në mënyrë të hapur bënë thirrje për vetëvrasje.

Në lidhje me këtë tekst shumë problematik, Gazeta Insajderi ka kontaktuar Bind Skejën, udhëheqësin e linjës telefonike për parandalimin e vetëvrasjeve “Linja e Jetës”.

Ai ka thënë se krijime të tilla mund të nxisin njerëzit që të bëjnë veprime që mund të kenë pasoja fatale.

“Fillimisht, dua ta sqaroj që nuk ka asnjë arsye legjitime që të porterizohet vetëvrasja si akt në film apo videospote, në çfarëdo mënyre qofshin ato, qoftë si ironi apo jo. Paraqitja e vetëvrasjejs shërben si nxitës për njerëzit në popullatë që veç se kanë mendime për vetëvrasje dhe mund të rezultojë në rritjen e tentimeve për vetëvrasje dhe pasoja fatale”, ka thënë ai.

Tutja, Skeja ka bërë thirrje që situata të tilla të mos përdoren si mjetë ofendimi apo ironie.

“Poashtu, maksimalisht duhet të shmanget gjuha stigmatizuese. Kjo nënkupton që kur t’i referohemi temës së vetëvrasjes nuk duhet të ironizohet apo të përdoret si ofendim. T’i thuash njërëzve “shko bleje një konop” ndihmon në rritjen e stigmës ndaj individëve që kanë mendime për vetëvrasje dhe kontribon që ata të mos kërkojnë ndihmë”, ka shtuar Skeja.

Ndryshe, Ledri Vula nuk është këngëtari i vetëm që nuk ka kursyer vetën të përdorë një gjuhë të tillë.

Ka shumë figura të tjera publike që fatkeqësisht shprehjet “shko mytu”, “po të isha si ti nuk do të jetoja fare”, “zhduku”, e kanë në “maje të gjuhës”./Insajderi