Juventusi nuk ka arritur të fitojë asnjë nga katër ndeshjet e para kampionale të edicionit 2021/22 në Serie A.

Kjo statistikë e tmerrshme e kampionëve të shumëfishtë italian iu kishte ndodhur vetëm në edicionin 1961/62, pra rreth gjashtë dekadash.

“Bianconerët” kanë vetëm dy pikë dhe renditen në zonën e kuqe, gjegjësisht në pozitën e 18-të.

“Zonja e Vjetër” pësoi nga Empoli e Napoli, ndërsa barazoi me Udinesen dhe Milanin.

Kjo statistikë i kishte ndodhur Juventusit në katër edicione që nga themelimi i klubit.

Forma aspak e mirë e skuadrës “bardhezi” e konfirmon edhe fakti se kanë dështuar ta mbajnë portën e paprekur në Serie A që nga 2 marsi, duke pësuar në 18 ndeshje radhazi.