×
  • Lajme
  • Insajderi / Insajderi

    “Ka tentuar që të bie nga kat i dytë për ta mbytur vetën”, zbardhen detaje shokuese të malltretimeve të Hamide Magashit

    Insajderi
    01 December 2022 - 12:56

    Një krim monstruoz ndodhi mbrëmë rreth orës 18:00 në oborrin e QKUK-së.

    Një grua shtatzënë e moshës 35-vjeçare u vra në oborrin e Qendrës Klinike Universitare të Kosovës, ku kishte shkuar për të kryer lindjen e fëmijës së saj të parë.

    I dyshuar për vrasjen është ish-bashkëshorti i saj, i cili ishte denoncuar edhe për dhunë në familje më herët.

    Gazetarja e gazetës Insajderi edhe sot ndodhet në ambientet e Klinikës së Gjinekologjisë. Aty ka folur me njërën prej shoqërueseve të Hamide Magashit e cila mbeti e vrarë nga tre plumbat e shkrepur nga bashkëshorti i saj Sokol Halili.

    Ajo i ka thënë se gazetares se ndjera i kishte thënë se sapo ta linde fëmiun do t’ia jepte burrit të saj.

    “Kur ta lindi fëmijën kam me ua dhënë atyre, familje së burrit”, i ka thënë e njëjta Insajderit.

    Ndërsa motra e saj Burbuqe Magashi tha se gruaja e vrarë nga ish-burri kishte tentuar edhe më herët ta vras vetën. Sipas saj e motra ishte në izolim terë kohën nga burri i saj.

    Në një moment ajo thotë se edhe në banjo përcillej nga nëna e dorasit, vjehrra e saj.

    “Kjo u detyru me ra prej katit të dytë me mbytë vetën. Qaq që ka pas maltretim prej krejt familjes së tyre, e izoluar ka qenë, s’e kanë lanë me dalë në oborr. I kanë thënë derisa të lind 1 vit e gjysmë s’ki nevojë me shku te motrat në Llugaxhi”, tha ajo.

    Varrim siç mëson Insajderi pritet të bëhet ditën e nesërme.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark