Deputetja e AAK-së, Time Kadriaj, gjatë seancës së Kuvendit të Kosovës, tha se Kurti nuk ishte serioz në adresimin e tij, derisa po fliste për çështjen e Asociacionit të komunave me shumicë serbe.
Kadrijaj tha se ajo çfarë bëri sot kryeministri Kurti është spektakël e humor.
Derisa, ajo edhe e ka ftuar kryeministrin Kurti që të bëhet pjesë e spektaklit të njohur “BigBrother”.
“Situata është tepër serioze dhe e komplikuar dhe kemi mendu se Kurti do t’i adresohet edhe deputetëve të Kuvendit të Kosovës edhe qytetarëve me një seriozitet karshi situatës që e ka kriju vet, ndërsa ajo çka bëri Kurti ishte spektakël dhe humor duke u tallur me deputetët dhe qytetarët. Andaj duke e parë që paske aftësi me ba spektakël dhe humor ju kisha ftu me shku në Big Brother”, u shpreh deputetja Kadriaj.