Të paktën 27 persona janë lënduar në ndeshjen e basketbollit të Superkupës së Egjiptit ndërmjet Al-Ahly dhe Ittihad, raporton Associated Press.
Aksidenti ndodhi kur një pjesë e tribunës u shemb dhe autoritetet egjiptiane njoftuan se i gjithë incidenti ndodhi pas një rrëmuje të tifozëve të Ittihadit të cilët ishin shumë në një pjesë të tribunës.
Pati një panik të madh dhe fatmirësisht nuk pati të vdekur.
“Shumica e të plagosurve kanë kocka të thyera dhe askush nuk është në rrezik për vdekje”, tha ministri egjiptian i Shëndetësisë Hossam Abdel-Ghaffar.