Policia e Kosovës gjatë ditës së djeshme ka konfiskuar 73 kilogramë drogë të llojit heroinë, para të gatshme, telefona dhe vetura, në tri lokacione në rajonin e Ferizajt. Në lidhje me rastin janë arrestuar 15 persona.

Policia njofton se në mesin e të arrestuarve janë gjashtë shtetas të Turqisë.

“POSEDIM SHPËRNDARJE DHE SHITJE E SUBSTANCAVE NARKOTIKE /Ferizaj 15.011.2021 – 10:30. Me 23.05.2022 gjatë një plani operativ në 3 lokacione të ndara në regjionin e Ferizajt janë gjetur dhe konfiskuar 73 kg substancë e dyshuar narkotike e llojit Heroinë, para, telefona dhe vetura. Në lidhje me rastin janë arrestuar dhe dërguar në mbajtje pesëmbëdhjetë (15) të dyshuar meshkuj (9 kosovarë dhe 6 shtetas të Turqisë)2, njofton Policia.

Një laborator droge është zbuluar gjatë ditës së djeshme edhe në Zveçan, ku janë konfiskuar rreth 10 mijë fije marihuanë.