Lufta e Rusisë në Ukrainë ka marrë jetën e 133 sportistëve dhe trajnerëve ukrainas, njoftoi të martën Ministria e Rinisë dhe Sporteve të Ukrainës.

“Flamuri nuk do të ngrihet më dhe himni nuk do të luhet më për nder të fitoreve sportive të sportistëve të ndjerë”, ka shkruar ministri i Rinisë dhe Sportit Vadym Gutzait.

“Rusia pushtoi Ukrainën dhe u mori jetën. 133 atletë dhe trajnerë kanë vdekur në fushën e betejës dhe nga bombardimet e armikut”, tha ai.

Dita e Pavarësisë së Ukrainës këtë vit shënon saktësisht gjashtë muaj që kur Rusia pushtoi dhe filloi një luftë të përgjakshme e cila vazhdon në të gjithë vendin, shkruan CNN.

Faqja e internetit “Sports Angels” detajon jetën e çdo sportisti të vrarë gjatë luftës – disa në misione luftarake, disa në shtëpitë e tyre të shkatërruara nga granatimet.

Mes të vrarëve është Ivan Bidnyak 36 vjeç, i cili vdiq gjatë luftimeve në rajonin Kherson. Ai përfaqësoi Ukrainën në Kampionatin Botëror dhe ishte ukrainasi i parë që konkurroi në qitje në Lojërat Olimpike në Londër 2012. Gjimnastja 11-vjeçare Kateryna Diachenko thuhet se u vra kur një predhë goditi shtëpinë e saj në Mariupol më 10 mars së bashku me babanë, nënën dhe vëllain e saj.