Në komisionin parlamentar të Integrimeve Evropiane ku deputetët diskutuan për çështjen e mosliberalizimit të vizave për Kosovën, u bë një kërkesë e pazakontë.
Anëtarja e këtij komisioni, deputetja e Partisë Demokratike të Kosovës, Blerta Deliu ka kërkuar që për raportim në kuvend të shkojnë amasadorët e shteteve që kanë qenë kundër liberalizimit të vizave për Kosovën.
“Konsideroj se është e nevojshme të filloj një cikël i ambasadorëve që duhet të vinë, natyrisht fillojmë me Francën por edhe me të tjerë që duhet të vijnë në komision e të shohim modalitetet si komision se cila është perspektiva e tyre në raport me ndryshimet të cilat mund të ndodhin në Kosovë sa I përket liberalizimit”, tha Deliu gjatë mbledhjes së komsionit. /Insajderi.org