Prokuroria Themelore ne Gjilan, ka kërkuar caktimin e masës së paraburgimit ndaj Kreshnik Reçicës , pasi i njëjti po dyshohet për dy vepra penale, shkruan Insajderi.

Reçica po dyshohet se ka futur drogë në qendrën e paraburgimit në Lipjan, përkatësisht ka kryer dy vepra penale “keqpërdorim i detyrës zyrtare dhe Blerja, posedimi, shpërndarja dhe shitja e paautorizuar e narkotikëve, substanca psikotrope dhe analoge”.

Prokurori i Shtetit, ka filluar hetimet dhe njëherit brenda afatit ligjor ka ushtruar kërkesë për caktimin e paraburgimit pranë Gjykatës Themelore në Gjilan”, thuhet në njoftimin e Prokurorisë Themelore në Gjilan.

“Gjilan, 01. Nëntor 2022- Prokuroria Themelore ne Gjilan, Departamenti për Krime të Rënda, ka ndaluar për 48 orë të dyshuarin- zyrtarin korrektues K.R nga Gjilani, për shkak të dyshimit të bazuar se ka kryer dy vepra penale dhe atë : Keqpërdorim i detyrës zyrtare nga neni 414 të KPRK-së dhe Blerja, posedimi, shpërndarja dhe shitja e paautorizuar e narkotikëve, substanca psikotrope dhe analoge nga neni 267 paragrafi 1 të KPRK-së. Lidhur me këtë rast, Prokurori I Shtetit, ka filluar hetimet dhe njëherit brenda afatit ligjor ka ushtruar kërkesë për caktimin e paraburgimit pranë Gjykatës Themelore në Gjilan”, thuhet në njoftimin e Prokurorisë Themelore në Gjilan.