Këshilltari i presidentes Vjosa Osmani, Blerim Vela, tha se Serbia po e nxit situatën në veri, derisa ka bërë thirrje që të mos besohen informatat se atje po dërgohet Njësia Speciale.

“Kini parasysh se informacionet për dislokimin e njësive të Policisë Speciale të Kosovës në veri nuk janë të vërteta. Aty operojnë njësitë e rregullta policore. Për informacione zyrtare, ndiqni njoftimet e Policisë së Kosovës”, ka shkruar ai.

Vela tha se Serbia po përdor dezinformata të përgjithshme për të mbjellë destabilitet dhe për të provokuar (ri)aksione në veri të Kosovës.

“Detyrimi i serbëve të Kosovës nga Serbia për t’u larguar (madje edhe përkohësisht) nga institucionet e Kosovës duket se është gjithashtu një përpjekje e Vuçiqit për të minuar progresin dhe nismat e fundit në lidhje me dialogun e lehtësuar nga BE-ja. Ai po ndjek paradigmën e Millosheviqit: zjarrvënës ditën, “paqebërës” natën”, u shpreh Vela.

Edhe Policia e Kosovës ka mohuar raportimet se Njësia Speciale është nisur në veri pas largimit të serbëve nga institucionet.   

🚨 Be aware that info on 🇽🇰 Special Police units deployment in the north are not true. Regular police units are operating there.

For official info, follow #Kosovo Police announcements.#Serbia is using blanket disinfo to sow instability & provoke (re)actions in north of Kosovo.

— Blerim Vela (@Blerim_Vela) November 5, 2022