×
  • Lajme
  • Lajme

    Këta janë të dyshuarit për vrasjen e 14-vjeçares maqedonase

    Insajderi
    04 December 2023 - 09:36

    Vajza Vanja G. (14) nga Shkupi, e cila u zhduk të hënën, më 27 nëntor rreth orës 07:25, rrugës për në shkollë dhe për të cilën ishte në kërkim i gjithë rajoni, është gjetur e vdekur në afërsi të fshatit Orman, në periferi të kryeqytetit maqedonas.

    Vrasja e vajzës lidhet me vrasjen e një 74-vjeçari. Siç njoftoi Prokuroria e Shtetit maqedonas, është konstatuar se vajza është vrarë të hënën në mëngjes, rreth orës 10:00, vetëm pak orë pas rrëmbimit.

    Kjo vrasje, thonë ata, lidhet me një tjetër vrasje në Maqedoninë e Veriut. Gjegjësisht, është gjetur edhe trupi i Panço Zhezevskit (74) nga Velesi, për ndodhjen e të cilit është raportuar më 24 nëntor, pak ditë para zhdukjes së vajzës, ndërsa prokuroria ka konstatuar se të dyja vrasjet janë kryer nga i njëjti person dhe se motivi i tyre ka qenë interesi vetjak.

    Sipas portalit maqedonas Telma, i dyshuari është Ljupco Palevski Palco. Më tej thuhet se ai nuk është i disponueshëm për autoritetet maqedonase.

    Palevski ka një parti pro-ruse të krahut të djathtë në Maqedoni, ai ishte i angazhuar në ndërtim dhe ishte në paraburgim ekstradimi në Beograd me një urdhër ndërkombëtar të lëshuar nga Kroacia. Ai gjithashtu kishte podcast-in e tij.

    Në mesin e të dyshuarve është edhe Vlatko Keshishov nga Shtipi, i cili është ndaluar dhe arrestuar. I dyshuari i tretë është Velibor Manev, i cili po ashtu ndodhet në paraburgim. Paraburgim është kërkuar edhe për të arrestuarin e tretë, Bora Videvski nga Velesi, thonë burime të Thelmës nga hetimi.

    Të dyshuarit ishin në marrëdhënie të ngushta me Palevski-Palac përmes “Partisë së të Drejtave” më pak radikale. Sipas asaj që shihet në profilin e tij në FB, Palevski e ka kontaktuar çdo ditë përveç datës 27 nëntor, kur sipas hetimeve ka ndodhur kidnapimi dhe vrasja e 14-vjeçares Vanja, transmeton Index.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark