KRU” Prishtina” ka njoftuar se nesër do të ketë ndërprerje të ujit të pijshëm në disa lagje të kryeqytetit për shkak të punimeve teknike në ndërrimin e gypit.

Lagjet që do të mbesin pa ujë janë rruga e ” Tiranës “, lagjja Arbëria pjesa nga hekurudha deri te rruga” Ahmet Krasniqi “, Komuna e Re, rruga “Bashkim Fehmiu”, rruga “Vicianum”,  rruga “Nora e Hotit”, Stadiumi i Prishtinës me lokale përreth tij.

“Ju njoftojmë se ditën e nesërme, më 20 maj do të realizohen punime teknike në ndërrimin e gypit AC fi 200 në rrugën ” Tirana ” në Prishtinë duke filluar nga ora 09:00-16:00. Realizimi i punimeve teknike ka për fokus përmirësimin e furnizimit me ujë të pijshëm dhe zvogëlimin e humbjeve teknike të ujit“, thuhet në njoftim.