Deputetja më e re e Lidhjes Demokratike të Kosovës, Doarsa Kica-Xhelili ka publikuar një fotografi në Facebookun e saj, teksa ka paralajmëruar një intervistë në një televizion kosovar.
Por, në mesin e komentuesve, teksa shumica ishin pozitive duke i uruar suksese ligjvënëses e cila nga LVV-ja aderoi në LDK, pati edhe prej atyre që e gozhduan apo linçuan publikisht për aderimin e saj.
Një prej tyre që e “thumbuan” ishte edhe ish-asamblisti i LVV-së në Prishtinë, Egzon Azemi.
Ai i tha Kica-Xhelilit se “shihemiprapë”.
Kica-Xhelili për herë të parë u zgjodh deputete në zgjedhjet parlamentare të 14 shkurtit të 2021-s.
Ajo garoi në listën Guxo, e cila në koalicion me LVV-në fituan mbi 50 për qind të votave.
Tash, ajo do të jetë në radhët e deputetëve të GP të LDK-së. Ky subjekt, i cili është i dyti për nga përkrahja politike në opozitë, tani ka afër vetes plotë 14 ligjvënës.
Lexo edhe: