Kina i ka futur doganat në listën e prodhimeve amerikane në vlerë prej 16 miliardë dollarëve, si përgjigje në shumën e njëjtë të rritjes së re amerikane të doganave në prodhimet kineze, kanë lajmëruar agjencitë e lajmeve.

Pekini sot i ka futur taksat shtesë prej 25 për qind pas vendimit të Uashingtonit të fusë taksa me vlerë të njëjtë për mallra të cilat vijnë nga Kina.

Lista e prodhimeve amerikane në të cilat i referohen doganat e reja i përfshijnë veturat dhe makinat e fabrikave.

Autoritetet kineze kanë kumtuar se janë të vendosur që me rastin përshkallëzimit të ri të konfliktit tregtar të dy fuqive ta zbatojnë “hakmarrjen e domosdoshme”, pretendon Xinhua.

SHBA më 6 korrik kanë vënë taksa prej 25 për qind në mallin kinez në vlerë prej 34 miliardë dollarëve.

Kina është përgjigjur me futjen e taksave të ngjashme në vlerë të njëjtë të prodhimeve kineze./Insajderi.com.