Mbi 3 mijë euro po deklarohet se ka shpenzuar Komuna e Prishtinës për një drekë apo më saktë 3393.44 euro. Kështu të paktën bën me dije asamblisti i Lëvizjes Vetëvendosje, Gëzim Sveçla, shkruan Insajderi.

Sveçla ka publikuar një faturë të Komunës ku shihet shuma e shpenzuar në pije e ushqim, në njërin prej restoranteve të kryeqytetit.

Përmes profilit të tij në Facebook, ai ka ironizuar duke thënë “Një të premte të kësaj vere, në një nga lokalet e kryeqytetit, Përparimi vendosi të argëtohet pak. Nejse, jo bash pak. 3.393.44€ paguan qytetarët e Prishtinës për qefin e Kryetarit”.

Siç edhe shihet në faturë nuk specifikohet se çfarë është ngrënë e pirë por vetëm shkruan “Food and Drinks” (Ushqim dhe Pije).

Gazeta Insajderi ka kërkuar shpjegim nga Komuna e Prishtinës lidhur me këtë faturë. Deri tani nuk kemi pranuar ndonjë përgjigje.