Nënkryetarja e Komunës së Prishtinës, Donjeta Sahatçiu, ka njoftuar se kanë mbetur edhe 10 ditë deri në mbylljen për kualifikim për dizajnimin e identitetit të ri të Kryeqytetit. Mirëpo përkundër krizës globale, Komuna ka alokuar 80 mijë euro për dizajnimin e llogos.
“Duke e ruajtuar simbolin e Hyjneshës, kemi alokuar 80,000 euro për dizajnim të të gjitha elementeve dhe materialeve në Kryeqytet dhe përgatitjen e librit të identitetit me udhëzime standarde”, ka shkruar ajo.
Ajo tutje ka thënë se kryeqyteti duhet të ketë së paku një emblemë, stemë, vulë dhe flamur të ri, kështu duke i ftuar qyetarët që të aplikojnë.
“Nuk vjen shpesh mundësia e dizajnimit të identitetit të qytetit tënd. Ju ftoj të aplikoni sa më shumë!”
Postimi i plotë:
Edhe 10 ditë deri në mbylljen e thirrjes për kualifikim në dizajnimin e identitetit të ri të Kryeqytetit
Sipas Ligjit për Kryeqytetin, Prishtina nuk është më Komuna e Prishtinës. Si Kryeqytet, duhet të ketë së paku një emblemë, stemë, vulë dhe flamur të ri.
Kemi shpallur thirrjen përmes platformës e-Prokurimi për kualifikimin e kompanive në ofrimin e shërbimeve për dizajnimin e identitetit në fazën e dytë me propozime dhe ofertë.
Duke e ruajtuar simbolin e Hyjneshës, kemi alokuar 80,000 euro për dizajnim të të gjitha elementeve dhe materialeve në Kryeqytet dhe përgatitjen e librit të identitetit me udhëzime standarde.
Nuk vjen shpesh mundësia e dizajnimit të identitetit të qytetit tënd. Ju ftoj të aplikoni sa më shumë!