Gjykata Themelore në Prishtinë ka marr aktvendim me të cilin ka refuzuar si të pabazuara kërkesat për kundërshtim të provave dhe hedhje të aktakuzës ndaj ish-kryetarit të Komunës së Prizrenit Mytaher Haskuka dhe tre ish-deputetëve Enver Hoti, Shqipe Pantina dhe Teuta Haxhiu.
Ata akuzohen se në shkurt të 2016-ës, kishin ndezur gaz lotsjellës, me ç ‘rast kishin pamundësuar mbajtjen e seancës plenare në Kuvendin e Republikës së Kosovës.
Avokati i ish- deputetit Enver Hotit, Haxhi Millaku ka konfirmuar për Insajderin se aktakuza është që shumë kohë tani po pritet të vendoset data e gjykimit.
“aktakuza është që shumë kohë. Tani po presim ta marim datën e gjykimit, por pjesërisht është konfirmuar ajo aktakuzë”, deklaroi ai.
Ai ka thënë se ankesa për një pikë të akuzës është konfirmuar ndërkaq për pikën tjetër ka mbetur.