Në Qendrën Korrektuese Dubravë janë konfiskuar substanca narkotike gjatë këtij muaji.
Kështu ka njoftuar policia përmes raportit 24 orësh.
Substancat narkotike u gjetën gjatë kontrollimit të hapësirave në Qendrën Korrektuese.
“Qendra Korrektuese Dubravë, 12.02.2024-14:00. Bazuar në raportin e bastisjes të përpiluar nga oficerët korrektues, raportohet se gjatë kontrollimit të hapësirës në mes të pavijonit 5 dhe 6 është gjetur 3 gram marihuanë e ndarë në katër copa letre. Me vendim të prokurorit rasti vazhdon të hetohet tutje nga anti-droga e Pejës”, thuhet në njoftim.
Më datë 17 shkurt, policia po ashtu ka konfiskuar drogë.
“Bazuar në raportin e bastisjes të përpiluar nga oficerët korrektues, raportohet se gjatë kontrollimit të hapësirës në mes të pavijonit 5 dhe 6 është gjetur 4 gram marihuanë e ndarë në shtatë copa letra”.
Drogë po ashtu është gjetur edhe më 22 shkurt.
“Bazuar në raportin e bastisjes të përpiluar nga oficerët korrektues, raportohet se gjatë kontrollimit të hapësirës së pavijonit 6 është gjetur një qese e zezë me 15 gram marihuanë e ndarë në 14 qese të vogla”, theksohet në raportin e policisë.