Deputeti nga radhët e Partisë Demokratike të Kosovës, Bekim Haxhiu tha se kryeministri Albin Kurti ka dezertuar në luftën e fundit të Kosovë.

Ndërsa sipas Haxhiut, Hashim Thaçi ka qenë në ballë të luftës.

“Hashimi në ballë të luftës, Albini me duar në xhepa i arrestum prej Serbisë dhe i dezertum dhe i dorzum. Nuk dashta me ja u thanë këtë por masi po e kërkoni po ua thom. Ky është dallimi mes neve edhe teje”, tha ai.

Deklarata e Haxhiut e shtyu kryetarin e Kuvendit, Glauk Konjufcën të reagojë.

Ai tha se është e papranueshme deklarata e Haxhiut ndaj të burgosurve politik.

“Ishte krejt e papranueshme z.Haxhiu se si e ofendoni të burgosurit politik. Është terminologji e papranueshme se si i ofendove të burgosurit politik. Jo, jo çdo të burgosur politik. Edhe kolegët e tu i ki, e pak marre duhet me të ardh prej asaj pune. Nëse më kuptove urdhëro replikë”, ka thënë ai.

E Haxhiu reagoi ashpër duke thënë se nuk ka pasur reagime kur janë ofenduar ushtarët e UCK-së, teksa tha se deklarata e tij kishte të bënte me një emër të përveçëm.

“Ky njeri ka dezertuar dhe është dorëzu. E dallimin që e kërkonte më herët është e vërtetë. Unë jam luftëtarë i lirisë, ndërsa ky është dezertor dhe veteran fals dhe nuk e krahasova me asnjë të burgosur politik”, ka thënë ai.