Përfaqësuesja e Kosovës është ngritur për dy pozita në ranglistën e FIFA-së, duke u pozicionuar në vendin e 107-të me 1173.90 pikë.

“Dardanët” ishin në pozitën e 109-të, por me publikimin e fundit të ranglistës së re të FIFA-së, ata janë ngritur për dy vende.

Kosova që tani po drejtohet nga trajneri i ri francez, Alain Giresse mori rezultate pozitive në dy miqësoret e zhvilluar në muajin mars.

Ata fillimisht demoluan 5:0 kombëtaren afrikane të Burkina Fasos në stadiumin “Fadil Vokrri” në Prishtinë.

Pesë ditë më vonë, Kosova barazoi 1:1 me Zvicrën në Cyrih, duke konfirmuar formën e mirë.