Kryetari i Partisë Demokratike të Kosovës, Memli Krasniqi, ka njoftuar se është takuar në Turqi me emisarin për dialogun Kosovë-Serbi, Miroslav Lajcak.

Siç ka shkruar Kransiqi, në këtë takim kanë biseduar për zhvillimet politike në Kosovë.

Ai tha se ka shprehur shqetësim për masat ndëshkuese të BE-së ndaj Kosovës dhe ka kërkuar nga Lajcak që të luaj rol ndihmues në heqjen e masave.

 “Në margjinat e Forumit Diplomatik të Antalisë, takova edhe të dërguarin e posaçëm të BE-së për dialogun ndërmjet Kosovës dhe Serbisë, Miroslav Lajçak. Bashkë diskutuam për zhvillimet politike në Kosovë. Emisarit Lajçak i shpreha shqetësimin për masat ndëshkuese të BE-së ndaj Kosovës dhe kërkova nga ai që të luaj rol ndihmues për heqjen e tyre. Orientimi euro-atlantik i qytetarëve dhe shtetit tonë është i paalternativë dhe i pakthyeshëm”, ka shkruar Krasniqi.