Kremrat kundër rrezeve të diellit janë më prezente se kurrë gjatë verës,  pa to s’mund të kalojmë as pushimet, por tani duhet pasur kujdesë për sasinë  e saj duke mos e tepruar.

Kimikatet më të përdorura në kremrat për mbrojtjen kundër rrezeve të diellit nuk mbeten në sipërfaqen e lëkurës, por hyjnë në qarkullimin e gjakut në më pak se 24 orë pas aplikimit.

Siguria për shëndetin e këtyre substancave të testuara, sipas një studimi të “Food and Drug Administration” (FDA) nuk është konstatuar ende.

Nivelet e avobenzonit, oksibenzonit, ekamsulit dhe oktokrilenit (substanca të përdorura te kremrat) të identifikuara në 24 vullnetarë që morën pjesë në kërkimin pilot, ishin gjithashtu 40 herë më të larta se kufijtë mbi të cilët rekomandohet kryerja e testeve të sigurisë së produktit.

Katër kimikatet janë pjesë e një kategorie në të cilën FDA ka kërkuar më shumë studime nga prodhuesit për të përcaktuar “sigurinë dhe efikasitetin” e tyre.