Ish-Kryeprokurori i Shtetit, Sylë Hoxha, ka thënë se duhet të dënohen të gjithë të përfshirët në rastin “Dosja e Shefave”.

Hoxha, gjatë DokuDebateve në festivalin e filimit -“Doku Fest”, me temën “Qeverisja dhe pandëshkueshmëria”, ka kërkuar dënimin e të përfshirëve në “Dosja e Shefave”.

Në serinë e publikimeve të përgjimeve “Dosja e Shefave” janë të përfshirë Adem Grabovci, Hashim Thaçi, Ramë Buja, Bahri Hyseni dhe Nijazi Kryeziu. Të gjithë këta, sipas ish-Kryeprokurorit të Shtetit, Hoxha, duhet të dënohen.

[iframe id=”https://www.youtube.com/embed/9sih0CTnUlg” align=”center” mode=”normal” maxwidth=”680″]

Gazeta Online Insajderi ka filluar publikimin e një serie telefonatash të përgjuara të zyrtarëve të lartë të PDK-së – përfshirë këtu edhe kryetarin aktual Kadri Veseli dhe ish-kryetarin Hashim Thaçi, aktualisht president i vendit – përmes të cilave dëshmohet se si kjo parti shtrinë ndikimin e vet në institucionet publike të vendit përmes punësimeve të njerëzve të afërt me ta. /Insajderi.com