Merkatoja e futbollit, sidomos sesioni i verës, është e zjarrtë. Ajo ngërthen të gjitha klubet, sidomos ato me financa të shëndosha. Dikush kërkon të përforcohet me elementët më të spikatur, dikush tjetër synon “t’i zbrazë sirtarët” nga tepricat.

Është një “pazar” me plot surpriza, aq më tepër tani që çmimet e kartonëve të futbollistqëve kanë fluturuar. Pra, qarkullojnë miliarda mes klubeve, vetë futbollistëve dhe agjentëve të tyre.

Dikur, Serie A ka tërhequr yjet e këtij sporti, ndërsa ka vite që nuk është më kështu. Premier League mbetet më e lakmuara nga futbollistët, qoftë si kampionati më u foprtë në botë, qoftë për pagesat e majme.

Sidoqoftë, edhe kampionati italian ka bërë goditjet e veta ndër vite në merkato. Me këtë rast po ju njohim me dy anët e medaljes: 10 blerjet më të shtrenjta, por edhe 10 shitjet më të kushtueshme në Serie A.

Nga Cristiano Ronaldo te Vieri, renditja e 10 përforcimeve më të mira

10. VIERI: 46.48 milionë euro, nga Lazio te Interi në 1999

9. BUFFON: 52.88 milionë euro, nga Parma te Juve në 2001

8. CRESPO: 56.81 milionë euro, nga Parma te Lazio në vitin 2000

7. LUKAKU: 74 milionë euro, nga Manchester United te Interi në 2019

6. OSIMHEN: 75 milionë euro, nga Lille në Napoli në 2020

5. ARTHUR: 76 milionë euro, nga Barcelona te Juve në 2020

4. VLAHOVIC: 81.6 milionë euro, nga Fiorentina te Juve në janar 2022

3. DE LIGT: 85.5 milionë euro, nga Ajax te Juve në 2019

2. HIGUAIN: 90 milionë euro, nga Napoli te Juve në 2016

1. CRISTIANO RONALDO: 117 milionë euro, nga Real Madrid te Juve në 2018

Nga Pogba te Lukaku, këto janë 10 shitjet më të shtrenjta

10. PJANIC: 60 milionë euro, nga Juventusi te Barcelona më 2020

9. ALISSON: 62.5 milionë euro, nga Roma te Liverpool më 2018

8. CAVANI: 64.5 milionë euro, nga Napoli te PSG më 2013

7. CANCELO: 65 milionë euro, nga Juventusi te Manchester City në vitin 2019

6. HAKIMI: 66.5 milionë euro, nga Interi te PSG në vitin 2021

5. KAKA: 67 milionë euro, nga Milani te Real Madrid më 2009

4. IBRAHIMOVIC: 69.5 milionë euro, nga Interi te Barcelona më 2009

3. ZIDANE: 77.5 milionë euro, nga Juventusi te Real Madrid më 2001

2. POGBA: 105 milionë euro, nga Juventusi te Manchester United më 2016

1. LUKAKU: 113 milionë euro, nga Interi te Chelsea në vitin 2021