Deputetja e Lidhjes Demokratike të Kosovës, Vlora Dumoshi ka marrë fjalën në seancën e Kuvendit, aty ku po diskutohet për grevën në arsim, shkruan Insajderi.
Ajo mori e fjalën pas kryetarit të Komisionit për Arsim, Ardian Gola i cili foli për mbarëvajtjen e mbledhjes së djeshme ku për raportim i pranishëm ishte Këshilli Grevist i BSPK-së. E ku herë pas herë pati tensione.
Me të marrë fjalën Dumoshi i është drejtuar Dimal Bashës apo ndonjërit prej anëtarëve të komisionit që vije nga radhët e VV-së me “mbylle gojën”, meqenëse nuk e lejonin ta përfundojë fjalimin e saj.
“Mbylle gojën se unë po flas tani dil ti, epo unë të thashë qetash ty mbylle gojën. Eh qaq” , u shpreh ajo përcjell Insajderi.
“Kujdes gjuhën parlamentar znj.Dumoshi”, i tërheqi vërejtjen kryetari Konjfuca pas kësaj kjo e fundit është përgjigjur “Patjetër por të mos gjuajë fjalë”.
Pas kësaj ka filluar zhurma në sallën e Kuvendit dhe Vlora Dumoshi është ulur tek ulësja e saj.