Federata e Futbollit e Kosovës ka njoftuar se ka përjashtuar Ulpianën dhe Vllazninë nga Liga e Parë e Kosovës.

Kjo u bë me anë amë të një vendimi të marrë nga Komisioni Disiplinor dhe i Etikës – shkalla e parë.

Ky vendim erdhi si shkak i kurdisjes së ndeshjes mes Vllaznisë dhe Ulpianës, që ishte mbyllur me fitoren 4:3 të skuadrës nga Pozherani.

Sipas vendimit, Ulpiana dhe Vllaznia sezonin e ardhshëm do të duhet të bëjnë gara në Ligën e Dytë, që është kategoria e tretë e futbollit kosovar, pasi tani kanë humbur statusin e anëtarit të Ligës së Parë.

Të dy këto klube deri tani bënin gara në Grupin B të Ligës së Parë – kategoria e dytë e futbollit në vendin tonë.