Deputeti i Lëvizjes Vetëvendosje, Armend Muja ka mohuar se i ka parë e takuar më herët dy deputetë të PDK-së.

Muja ka thënë se Bekim Haxhiun e Ferat Shalën kurrë si ka takuar më parë tek tani në Kuvend.

“Kurrë në jetë si kam taku qetu në Kuvend i kam pa Bekim Haxhiun e Ferat Shalën”, ka thënë deputeti i LVV-së teksa po iu përgjigjen deklarimit të Haxhiut se i kishte dërguar picë sa ishte në burg.

Ai ka deklaruar se nuk ka qenë i arrestuar siç pretendoi Haxhiu, por i ndaluar.

“Unë nuk kam qenë në burg, kam pasur ndalesë për të cilën jam përgjigj e jam shpallur i pafajshëm. Këtë po e kërkojë nga gjithë”, tha Muja.

I menjëhershëm ka qenë reagimi i Bekim Haxhiut, i cili e quajti “bukëpërmbysët” Mujën.

“Mundesh me kanë bukëpërmbysët e mosmirënjohjes..”, tha deputeti i PDK-së.

“Është parashkru nuk je shpallë i pafajshëm, e kam bë për hir të familjes, nuk të akuzova kurgjo, por nëse don edhe me emra të kallxojë kush ta ka pru picën”, tha Haxhiu.

Pas kësaj ka reaguar kryeparlamentar i cili me të qeshur tha se “tash po del ma ndryshe, se unë e kuptova që ti (Bekim Haxhiu) personalisht” ja ke qu picën”, teksa kërkoi dhe e mbylli këtë diskutim./Insajderi.