Në hapjen e mbledhjes së qeverisë, kryeministri i Kosovës, Albin Kurti ftoi qytetarët që të shfrytëzojnë ditët e ardhshme për të vizituar veprat artistike në kuadër të Bienales Manifesta.

Kurti tha se me këtë organizim është dëshmuar potenciali i Kosovës derisa shtoi se ky edicion ishte i suksesshëm.

“Me organizimin e Bienales Manifesta dëshmuam potencialin që ka vendi ynë. Ishte edicion i suksesshëm, qytetarët shijuan art e program artistik të pasur, pati ndikim në promovimin e Kosovës në botë”, tha Kurti.

Kryeministri ftoi qytetarët që të shfrytëzojnë ditët e mbetura para përfundimit të këtij edicioni, të vizitojnë intervenimet artistike në 25 lokacione.

Kurti tha se përveç në art, tetori ishte muaj i shënuar edhe në sport ku përmendi sukseset e sportistëve kosovarë.