Kryeministri, Albin Kurti në një intervistë për TV Klan, ka folur për idenë e shkëmbimit të territoreve.

Ai ka thënë se kjo ide nuk ka vdekur, por që ishte ideja më e keqe ndonjëherë dhe nuk mund të sillte asgjë të mirë.

Sipas tij, si kryeministër, është transparent pasi planin franko-gjerman e ka prezantuar edhe te opozita.

“Nuk duhet të krahasohet kjo me idenë e shkëmbimit të territoreve ndonëse si ide ende nuk ka vdekur. Unë jam transparent por nuk mund të zbuloj konfidoncjalitetin por unë tre krerëve opozitar ua kam treguar tekstin, e kanë lexuar në zyrën time.  Jo, ajo nuk ishte kurrfarë zgjedhje, ishte për ta relativizuar shtetin e Kosovës dhe për hemogjenizimin e Serbisë. Në kushtet kur Serbia nuk ta njeh pavarësinë, nuk i njeh krimet, të besosh se do të ketë shkëmbim territoresh me paqe është e pamundur. Stërkeqja më e madhe e bashkimit kombëtarë ta qosh nga Beogradi nuk ka më keq”, është shprehur Kurti.