Kryeministri i Republikës së Kosovës, Albin Kurti, pozitën e zëvendësministërit në Ministrinë e Administrimit të Pushtetit Lokal ia dhuroi aktivistit të njohur të Vetëvendosjes Arbër Vokrri, shkruan Gazeta Insajderi.
Lajmin e bëri të ditur Zyra e Kryeministrit me anë të një komunikate për media.
“Kryeministri Kurti i ka uruar zëvendësministrit Vokrri suksese në plotësimin e detyrave dhe përgjegjësive të tij”, thuhet në komunikatë.
Arbër Vokrri është aktivist i Lëvizjes Vetëvendosje në Prishtinë. Këshilltar Komunal në Komunën e Prishtinës si dhe anëtar i Këshillit të Përgjithshëm të LVV-së.
Vokrri ishte përfolur si kandidat për kryetar të degës së VV-së në Prishtinë, mirëpo në momentin e fundit ishte tërhequr.
Ai në sqarimin për tërheqje kishte thënë se nuk dëshiron përçarjen e degës dhe partisë dhe tërhiqet për ta lejuar Arben Vitinë që më pas të zgjedhet kryetar i degës pa kundërkandidat.
Vokrri, me profesion, është specializant e Kardiologjisë në QKUK.