Kandidati i Lëvizjes Vetëvendosje për kryeministër, Albin Kurti ka dhënë votën e tij për zgjedhjet e 14 shkurtit.

Me të përfunduar votimin, ai është deklaruar para mediave. Kurti është shprehur se sot është një ditë e bardhë e ndritshme, sot është dita e qytetarëve.

Pas përfundimit të deklarimit të tij, Kurti është pyetur nga një gazetare se a mendoni se do të marrin mbi 50% të votave për të formuar Qeverinë të vetëm.

Kurti ka dhënë një përgjigje të shkurt.

“Fushata ka përfunduar pardje, sot e kanë fjalën qytetarët”, tha Kurti përcjell Insajderi.

Në qendrën e votimit Albin Kurti ka qenë i shoqëruar nga bashkëshortja e tij, Rita Augestad Knudsen.