Kryeministri, Albin Kurti, është pyetur për marshin “Liria ka Emër” për solidarizim me ish-krerët e Ushtrisë Çlirimtare të Kosovës që po gjykohen në Hagë që do të mbahet këtë të diel.

Por, edhe pse shumë figura të njohura publike kanë konfirmuar pjesëmarrjen e tyre, kryeministri tha se nuk ka dëgjuar për këtë marsh.

Kurti, tha se nuk e di nëse do të marrë pjesë në të.

“Po e shoh organizatorin dhe kërkesën dhe po e vlerësoj. Unë me të thënë të drejtën nuk është se e kam dëgjuar këtë iniciative, por si është dita ime këtu, ndonëse duket afër 2 prilli i së dielës, ka ca kohë”, u shpreh Kurti në Klan Kosova.

Kujtojmë se deri tash shumë politikanë e figura publike, pos që kanë konfirmuar pjesëmarrjen, u kanë bërë thirrje të gjithë qytetarëve të solidarizohen me marshin.