Sondazhe të kryera ditëve të fundit po rezultojnë ngushtim rezultati në mes të partive politike në zgjedhjet e së dielës.

Vetëvendosje vazhdon të prijë, por nuk pritet të fitojë vota për të krijuar Qeverinë dhe zgjedhur presidentin pa një koalicion të gjerë.

Një kompani ka anketuar qytetarët se kush janë kandidatët më të pëlqyer të në listat e partive politike.

Të pëlqyerit e PDK-së, rezultojnë të jenë kandidatët me përvojë politike që kanë qenë deputetë edhe në të kaluarën.

Sipas një sondazhi që ka parë gazeta, Enver Hoxhaj është i pari, i pasuar nga Bedri Hamza, Mergim Lushtaku, Emi Reqica, Uran Ismajli, Ferat Shala, Bekim Haxhiu, Memli Krasniqi, Eliza Hoxha.

Në dhjetshën e parë të të pëlqyerve është edhe Hajdar Beqa, pasuar nga Bajrush Xhemajli, Kujtim Gashi, Evgjeni Thaçi – Dragusha, Abelard Tahiri, Ganimete Musliu, Blerta Deliu – Kodra, Xhavit Haliti.

Ky hulumtim si të gjithë të tjerët pritet t’i nënshtrohen vullnetit të popullit këtë të diele, për të nxjerrë “sondazhin” e vërtetë të partive dhe kandidatëve.