Kësaj radhe kritikave nuk i shpëtoi as Cristiano Ronaldo. Manchester United u turpërua në shtëpi nga Liverpooli, që fitoi 5-0 në “Old Trafford” në ndeshjen e javës së 9-të të Premier Ligës angleze.

Yllit portugez iu anulua një gol në pjesën e dytë dhe rrezikoi të merrte karton të kuq në pjesën e parë, pas një shkelmi të gjuajtur në drejtim të Curtis Jones.

Ish-lojtari i Juventusit ka reaguar në rrjetet sociale, duke dhënë një mesazh motivues për skuadrën e tij: “Ndonjëherë rezultati i ndeshjes nuk është ai për të cilin kemi luftuar. Në disa raste rezultati nuk është ai që duam. Por, kjo varet nga ne, vetëm nga ne, sepse nuk ka asnjë tjetër për të fajësuar.

Tifozët tanë edhe një herë tjetër kanë qenë fantastik në mbështetjen e vazhdueshme që na kanë dhënë. Ata meritojnë më të mirën, shumë më mirë, dhe jemi ne ata që duhet tua japim këto. Momenti është tani”.