Qeveria e Republikës së Kosovës ka mbajtur sot mbledhje në mënyrë elektronike.
Aty ka miratuar vendimin për ndarjen e mjeteve buxhetore në shumë prej 252,004 euro për procesin e votimit për apo kundër largimit të kryetarëve nga funksioni në komunat: Mitrovicë Veriore, Zubin Potok, Leposaviq dhe Zveçan.
Komisioni Qendror i Zgjedhjeve kishte marrë vendim që më datën 21 prill të mbahen votimet për largimin nga detyra të kryetarëve shqiptarë në katër komunat e banuara me shumicë serbe në veri të Kosovës.
Votimi do të zhvillohet në Mitrovicë të Veriut, Zveëan, Zubin Potok dhe Leposaviq, pas peticionit që KQZ e cilësoi të sukseshëm, ku 20 % e votuesve me të drejtë vote në secilën komunë, nënshkruan peticionin tashmë të verifikuar.