Kryetari i Nismës Socialdemokrate, Fatmir Limaj ka thënë se sulmi terrorist i ndodhur më 24 shtator kishte qëllime politike.

Ndërsa për situatën pas sulmit në veri të Kosovës, Limaj ka thënë se për ta materializuar këtë në aspektin diplomatik duhet pasur kujdes në cilësimin e asaj që ka ndodhur.

Ndër të tjera i pari i Nismës ka thënë se organet e sigurisë së Kosovës kanë kryer punën e vet në mënyrë më të mirë të mundshme, duke shtuar se tani duhet hetimi, mbledhje e provave e prezantimi i tyre para ndërkombëtarëve.

“Parlamenti i Kosovës ka nxjerrë një rezolutë ku kërkon edhe një hetim ndërkombëtar që ne kemi interes për hetime për prova kredibile që të zbardhet e vërteta se ne s’kemi çka të fshehim se agresioni është kryer ndaj neve.” – ka thënë Limaj në RTK.