Shorti i “Main Round” ka bërë që kampioni i Kosovës, Liqeni të udhëtojë në Ukrainë.

Në Nyon të Zvicrës është hedhur edhe shorti i “Main Round” i Ligës së Kampionëve që do mbahet në javën e fundit të muajit tetor, shkruan FrontOnline.

Liqeni është vendosur në grupin 6, grup jo edhe i lehtë, pasi do të ketë të bëjë me disa skuadra të forta.

Nikoqirë janë ukrainasit e Uragan Ivano-Frankivsk që në ranglistën e klubeve renditen në vendin 22.

Në grup gjenden edhe rumunët e United Galati që në ranglistën e klubeve më të mira evropiane gjenden në vendin e 15.

Araz Naxçivan kompletojnë grupin e që në ranglistën e klubeve më të mira evropiane renditen si të 25 -tit.

“Pavarësisht rrugës së gjatë dhe grupit jo të lehtë, skuadra jonë do i çaset me seriozitetin maksimal përgatitjeve dhe paraqitjeve në kuadër të këtij rundi. #ForcaLiqeni”, thuhet në njoftimin e klubit.