Skena të shëmtuara janë parë në takimin mes Nices dhe Marseilles në takimin që u zhvillua në javën e tretë në Ligue 1.

Ndeshja u ndërpre në minutën e 75-të, kur tifozët e Nices filluan të hidhnin gjësende të forta në drejtim të Dimtri Payet.

Lojtari i Marseilles ua ktheu në të njëjtën mënyrë, gjë që pasoi më futjen e tifozëve në fushë për t’u konfrontuar me të.

Por, skena u bënë edhe më të dhunshme, kur filloi përleshja mes lojtarëve të tjerë të skuadrës mysafire me tifozët kundërshtarë.

Luan Peres e Matteo Guendouzi kanë treguar lëndimet që morën në trup nga përleshja me tifozët, ndërsa pritet ndëshkimi i të dyja klubeve nga Federata e Futbollit të Francës.

Padyshim se një gjobë e rëndë do të jetë për Nicen që nuk arriti të krijojë kushte për zhvillimin e ndeshjes.