Boksieri shqiptar me famë botërore, Luan Krasniqi e ka përkrahur edhe publikisht kandidatin e PDK-së për kryetar të Prizrenit, Shaqir Totaj, të cilit i referohet me emërtimin Shaqa.

Në një video mbështetjeje, Krasniqi thotë se “Shaqa është një njeri i përsosur dhe se ka nevojë për një njeri si Shaqa më shumë se sa ai nga Prizrenit”.

“Shaqir Totaj është një njeri i përsosur, një njeri që ka shumë vlera …vlera njerëzore dhe intelektuale. Ka nevojë për një njeri si Shaqa më shumë se sa ai nga Prizreni. Kështu që është një respekt i veçantë që unë e kam ndaj Shaqës që angazhohet për të mirën e Prizrenit”.

“Shaqir Totaj për sukseset e tij të cilat i ka arritë përpara i ka të çertifikuara vetë nga jashtë, nga Barack Obama. Ka diplomën të cilën e ka nënshkruar vetë ai dhe sukseset që i ka pas jashtë, kështu që na duhen njerëz të tillë, na duhen njerëz që shtetet e huaja kanë respekt nga ata personalitete. Ai është i përsosur dhe besoj që do të ketë edhe në Prizren sukses” ka deklaruar Krasniqi.

Ky nuk është personaliteti i vetëm publik jashtë politikës që e përkrahë Shaqir Totajn në garën për Prizrenin.

https://www.facebook.com/shaqirtotaj/videos/1334705943324675/