×
  • Lajme
  • Insajderi / Insajderi

    Luksi i pushtetit në Skenderaj- Mbi 37 mijë euro për dreka zyrtare

    Insajderi
    02 February 2023 - 14:30
    Klikoni Këtu për t'u bërë pjesë e kanalit të Insajderit në Youtube.

    Komuna e Skenderajt e udhëhequr nga Fadil Nura i PDK’së ka publikuar raportin e punës për vitin 2022.

    Në mesin e shpenzimeve të prezantuara, bie në sy luksi për drekat zyrtare të komunarëve, raporton Insajderi.

    Plot 37 mijë e 135 euro u shpenzuan për dreka zyrtare.

    Ndërsa, vetëm 1 mijë euro më pak, saktësisht 36 mijë e 767 euro u harxhuan për furnizim me ushqim dhe pije për komunën dhe mysafiret e ftuar.

    Kjo shumë lë vend për tu habitur, kur shihen shpenzimet për furnizime mjekësore.

    Krahasuar me drekat zyrtare, vetëm dy mijë euro më shumë, u shpenzuan për tu pajisur me pajisje dhe produkte mjekësore. Saktësisht 39 mijë e 128 euro.

    Duke ditur nevojat e përditshme të qendrave të mjekësisë familjare në këtë komunë dhe nevojën për ngritjen e cilësisë së shërbimeve për qytetarët përmes pajisjeve mjekësore, mbetet për tu habitur se si buxheti i shpenzuar për dreka dhe furnizim me ushqim për zyrtarët e komunës është afërisht i njëjtë me atë të shpenzimeve për nevojat në shëndetësi.

    Gazeta Insajderi

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark