Stafi i Parkut Kombëtar të Zionit në pjesën jugore të shtetit të Utah në SHBA vendosën të tregonin se sa nxehtë është në zonën ku ata punojnë.

Ata zgjodhën ti pjekin biskotat në një makinë të parkuar.

“Makina juaj mund të jetë një furrë, fjalë për fjalë. Kështu që vendosëm të gatuajmë biskota!”, shkruan shërbimi i parkut në një postim në Instagram.

U deshën rreth tri orë për të pjekur biskotat dhe rojet thanë se dolën pak si “kroasant”.

Temperaturat në Zion në javët e kaluara kanë qenë vazhdimisht mbi 38 gradë Celsius, që do të thotë se temperaturat brenda automjeteve mund të arrijnë deri në 93 gradë të shkallës Celsius, sipas mediave amerikane.

Faqja e internetit e parkut gjithashtu këshillon vizitorët që të shikojnë për shenjat e lodhjes dhe simptomat e goditjes nga nxehtësia kur vizitojnë parkun gjatë muajve me temperatura të larta.