Në mbledhjen e kuvendit komunal të Gjilanit është duke u diskutuar lokacioni i ri i varrezave, shkruan Insajderi.
Me të filluar seanca ka pasur diskutime mes pozitës e opozitës se mbledhje duhet ose jo të jetë e hapur për publikun.
Pas këtyre diskutimeve, përfaqësuesit e Bashkësisë Islame në Gjilan, të cilët ishin të pranishëm në sallë e kanë lëshuar atë.
Kryetari i Bashkësisë, Naim Aliu para asalmbesitëve tha se “Duhet ti lëmë anash inatetet politike, dallimet ideologjike- partiake e të japim një shembull qytetarëve sepse ata presin një përgjigje pozitive”
“Në formë urgjente të ndahet ajo zonë për varrezat”, bëri thirrje Aliu derisa kritikoi asamblistët për qasjen e tyre.
Ai poashtu konfirmoi se nuk do të jenë të pranishëm në sallë për pikën e dytë të rendit të ditës, që është: “Kërkesa e Bashkësisë lslame për dhënien në shfrytëzim të fshatit Social të
Kuvajtit, për kujdesjen e Jetimëve”.
Vet Aliu, iu kërkoi kolegëve të tij që ta lëshojnë sallën.
Diskutimet janë duke vazhduar mes pozitës e opozitës në Gjilan./Insajderi