Tashmë ka filluar takimi i kryetarëve të komunave me shumicë serbe, ku temë diskutimi do të jetë situata aktuale e sigurisë në komunat veriore të Kosovës.
Ata do të diskutojnë kryesisht për sigurinë në veri të Kosovës, pra, pika e vetme e rendit te ditës është situata aktuale e sigurisë në komunat veriore të vendit.
Gjithashtu, në takim e kryetarëve të komunave me shumicë serbe, të pranishëm janë edhe disa pjesëtarë të Policisë së Kosovës.
Ndërkaq, gjatë takimit nga ana e kryetarëve të komunave me shumicë serbe do të raportohet edhe për takimin e kryeministrit të Kosovës, Albin Kurti dhe presidentiti serb, Aleksandër Vuçiq në Burksel.
Po ashtu, gjatë ditës së mërkurë është mbajtur edhe mbledhja e Qeverisë së Kosovës me praninë e mediave. Ndërsa, tani është duke vazhduar pa praninë e tyre.
Kurti në fillim të mbledhjes së Qeverisë ka treguar se si presidenti serb, Aleksandër Vuçiq nuk ka pranuar të ketë normalizim të plotë mes Kosovës dhe Serbisë.
Ai ka deklaruar se pala serbe nuk ka qenë e gatshme për normalizim të plotë të marrëveshjeve.